ایپل کا سستا ترین آئی فون مارکیٹ میں

فائل فوٹومعروف ادارے بلومبرگ کی ایک رپورٹ میں اس بات کا دعویٰ کیا گیا ہے کہ کرونا وائرس سے چینی سپلائی متاثر ہونے کے باوجود ایپل مارچ میں آئی فون ایس ای 2 (یا آئی فون 9) کو مارکیٹ میں لا رہا ہے۔

اس سے قبل ایپل کی جانب سے 17 فروری کو بیان میں کہا گیا تھا کہ کرونا وائرس کے نتیجے میں چین میں موبائل کی خرید میں کمی اور سپلائی کی مشکلات کے باعث جنوری سے مارچ تک کی سہ ماہی کے دوران آمدنی کے اہداف کا حصول ممکن نہیں۔

یہ نیا فون 2016 کے آئی فون ایس ای کا اپ ڈیٹ ورژن ہوگا جس کا ڈیزائن اور فیچرز بہت زیادہ بہتر ہوں گے۔

یہ سستا آئی فون 4.7 انچ اسکرین کا ہوگا، جب کہ اس کا ڈیزائن آئی فون 8 سے ملتا جلتا ہوسکتا ہے مگر اس میں آئی فون 11 میں دیا گیا پراسیسر موجود ہوگا۔

اس فون میں 2019 کے آئی فونز کے بیشتر فیچرز موجود ہوں گے جبکہ قیمت کم رکھنے کے لیے سستے ایل سی ڈی ڈسپلے کو استعمال کیا جائے گا۔

اس میں آئی فون 8 کی طرح بیک پر 12 میگا پکسل کا سنگل کیمرا ہوگا، جب کہ فرنٹ پر بھی ایک کیمرا ہوگا۔ اس کے علاوہ 3 جی بی ریم کے ساتھ 64 سے 128 جی بی اسٹوریج کے آپشنز دیئے جائیں گے۔