مغربی دفاعی اتحاد نيٹوکے سيکرٹری جنرل اسٹولٹن برگ اور امریکی سیکرٹری دفاع مارک ایسپر افغانستان کے دورے پر ہيں، اس دورے کا مقصد مقامی اہلکاروں کے ساتھ کئی اہم امور پر تبادلہٴ خيال ہے.

اسٹولٹن برگ آج صدر اشرف غنی اورامريکی وزير دفاع مارک ايسپرکے ساتھ ميڈيا کانفرنس ميں بھی شرکت کريں گے,علاوہ ازيں وہ افغانستان ميں تعينات امريکی اور نيٹو افواج کے سربراہان سے بھی ملاقات کریں گے

نيٹو کے سيکرٹری جنرل يہ دورہ ايک ايسے موقع پر کر رہے ہيں،جب دوحہ ميں افغان امن ڈيل پر دستخط ہورہے ہيں۔

ویب ڈیسک — 

ایران کا کہنا ہے کہ کرونا وائرس کی وجہ سے ہونے والی ہلاکتوں کی تعداد 26 ہو گئی ہے جو کہ چین کے بعد کسی بھی ملک میں اس مہلک وائرس کی وجہ سے ہونے والی سب سے زیادہ ہلاکتیں ہیں۔

ایران کے سرکاری ٹی وی کے مطابق 36 صوبوں میں سے 23 صوبائی دارالحکومتوں میں نمازِ جمعہ کے اجتماعات منسوخ کر دیے گئے ہیں۔

وزارت صحت کے ترجمان کائنش جہاں نے سرکاری ٹی وی کو بتایا کہ پچھلے 24 گھنٹوں کے دوران کرونا وائرس کے 106 نئے کیسز کی تصدیق ہوئی ہے اور اب تک 26 لوگ ہلاک ہو چکے ہیں۔

ایران میں کرونا وائرس کے متاثرین میں خواتین اور خاندانی امور کی نائب صدر معصومے ابتکار بھی شامل ہیں جب کہ کرونا وائرس سے نمٹنے کے لیے بنائی گئی ٹاسک فورس کے سربراہ ایرج حریرچی بھی چند روز قبل اس وائرس کا شکار ہوئے تھے۔

ایرانی خبر رساں ایجنسی "ارنا" کے مطابق چین کے شہریوں کی ایران میں داخلے پر پابندی عائد کر دی گئی ہے۔

 جاپان کی وزارت صحت نے کہا ہے کہ یوکوہاما بندرگاہ پر لنگرانداز بحری جہاز ڈائمنڈ پرنسس کے عملے میں شامل ایسے افراد جن میں نئے کورونا وائرس کی موجودگی ثابت نہیں ہوئی تھی، نے جہاز سے اترنا شروع کر دیا ہے۔ جاپانی ذرائع ابلاغ کے مطابق بحری جہاز کے عملے کے اراکین کو سائتاما میں حکومت کے نامزدہ کردہ ایک مرکز میں گزشتہ روز منتقل کر دیا گیا۔ حکام کا کہنا ہے کہ 240 افراد پر مشتمل عملے کو جہاز سے اترنے میں کئی دن لگیں گے،بیشتر اراکین جاپانی نہیں ہیں،قرنطینے کی 14 روزہ مدت کے اختتام کے بعد ان کے دوبارہ معائنے کیے جائیں گے۔ کورونا وائرس سے پاک ہونے پر انہیں جاپان سے اپنے ملکوں میں جانے کی اجازت دی جائے گی۔

 سعودی عرب کے دارالحکومت ریاض سمیتکئی شہروں کے بلدیہ حکام نے شہریوں کی شکایات پر آوارہ کتوں کے خلاف مہم کا آغاز کر دیا ہے۔سعودی نشریاتی ادارے کے مطابق حالیہ دنوں میں سعودی شہروں میں آوارہ کتوں کی موجودگی ایک مسئلہ بن چکا ہے، سوشل میڈیا پر یہ بحث چل پڑی تھی کہ آخر ان آوارہ کتوں سے چھٹکارا کس طرح حاصل کیا جائے۔بلدیہ حکام نے شہریوں کی رپورٹس کے بعد آوارہ کتوں کے خلاف مہم کا آغاز کر دیا ہے۔حکام کا کہنا ہے کہ کتوں کی نگہداشت نہ کرنے کے باعث آوارہ کتے رہائشی مقامات اور زرعی فارموں میں جگہ جگہ نظر آنے لگے ہیں۔حکام کا کہنا ہے کہ کتوں سے چھٹکارے کے لیے تین طریقے اپنائے جائیں،ایک ان کو پکڑ کر ناکارہ بنا دیا جائے، دوسرا حل یہ ہے کہ ماحولیات، پانی و زراعت، تعلیم،اطلاعات کی وزارتوں، جانور اور ماحول دوست اداروں، مویشیوں کی ادویات کی سپیشلسٹ جامعات، جانوروں کے مالکان، بلدیاتی کونسل اور شوریٰ کی شراکت سے خصوصی قومی پروگرام شروع ، جانوروں کی صحت سے متعلق عالمی تنظیم او آئی ای کی سکیم کی پابندی کی جائے اس کے علاوہ آوارہ کتوں کے حوالے سے جراثیم کش ادویات استعمال کی جائیں۔

بحرین میں شادی کے موقع پر دولہے نے گلے ملنے پر پابندی عائد کردی، پابندی کورونا وائرس کے پھیلاﺅ کے پیش نظر لگائی گئی۔ذرائع 

کے مطابق بحرین میں شادی کے موقع پر دولہے نے شادی گھر کے گیٹ پر ایک عبارت چسپاں کی جس میں مہمانوں کا خیر مقدم کرتے ہوئے ان سے درخواست کی گئی ہے کہ آپ کی اور ہماری سلامتی کے لیے سلام کرتے وقت صرف مصافحے پر اکتفا کیا جائے۔ دوسری جانب بحرینی وزارت صحت نے گزشتہ روز اعلان کیا تھا کہ کورونا وائرس کے مزید سات مریضوں کی تشخیص ہوئی ہے۔ اس طرح بحرین میں کورونا سے متاثرین کی مجموعی تعداد 33 تک پہنچ گئی ہے۔

یہ تصویر ایف ٹی سے لی گئی ہےچین میں کرونا وائرس سے مزید 44 اموات واقع ہوئی ہیں، جب کہ اس وائرس سے اب تک ہلاک افراد کی تعداد 2 ہزار 858 تک جا پہنچی ہے۔

خبر رساں ایجنسی کے مطابق 52 ممالک میں کرونا وائرس سے متاثرین کی تعداد 83 ہزار 105 ہوگئی ہے، جب کہ 36 ہزار 525 بیمار صحت یاب ہوگئے ہیں۔

کرونا وائرس سے چین میں 24 گھنٹوں کے دوران مزید 44 افراد ہلاک، جب کہ اٹلی میں اموات کی تعداد 14 سے بڑھ کر 17ہوگئی۔ ایران میں 26، جاپان میں 4 اور جنوبی کوریا میں بھی کرونا سے ہلاک افراد کی تعداد 13 ہوگئی ہے۔

چینی حکام کے مطابق کرونا وائرس کے مزيد 327 کيسز چین بھر میں رپورٹ ہوئے ہیں۔ ہانگ کانگ، فرانس ميں 2 اور تائيوان اور فلپائن ميں ايک ايک ہلاکتيں ہوئیں۔

دوسری جانب جنيوا میں عالمی ادارہ صحت کے سربراہ گيبر ميسس نے نيوز کانفرنس کے دوران کہا ہے کہ کرونا وائرس عالمی وبا بن چکا ہے، دنيا ميں صورت حال باعث تشوش ہے، ڈر کا نہيں عملی اقدامات کرنے کا وقت ہے، متاثرہ ملکوں کی حکومتيں عملی اقدامات کريں۔

 پیرس (92 نیوز) چین کی مشہور عالمی کمپنی ہواوے یورپ کی پہلی 5 جی فیکٹری فرانس میں لگائے گی۔ پہلے مرحلے میں 2 سو ملین یورو کی سرمایہ کاری کی جائے گی۔

اعلان ہواوے کے چیئرمین لیانگ ہوُا نے پیرس میں نیوز کانفرنس کرتے ہوئے کیا۔ انہوں نے کہا پہلے مرحلے میں 2 سو ملین یورو کی سرمایہ کاری کی جائے گی۔ جب کہ پلانٹ کی تنصیب سے 500 نوکریاں پیدا ہو گی۔ فیکٹری میں 5 جی ریڈیو آلات بنائے جائے گے۔

ہواوے کو اپنی 5 جی ٹیکنالوجی کی وجہ سے امریکا اور اس کے اتحادیوں کی جانب سے شدید تنقید کا سامنا ہے۔ اس پر اپنے آلات جاسوسی کیلئے استعمال کرنے کا الزام ہے۔

شام کی سرکاری خبر رساں ایجنسی سانا کی رپورٹ کے مطابق صیہونی فوج کے ڈرون طیارے نے شام کے صوبے قنیطرہ کے علاقے حضر میں ایک گاڑی پر ڈرون حملہ کیا جس میں ایک شامی باشندہ جاں بحق اور تین زخمی ہوگئے۔

قنیطرہ صوبہ مقبوضہ جولان کی سرحد کے قریب واقع ہے۔ ایسے حال میں کہ شامی فوج اور عوامی رضاکار فورس دہشتگردوں کے خلاف برسرپیکار ہیں قدس کی غاصب اور جابر صیہونی حکومت شام کے جنوبی علاقوں کو دہشتگردوں کے حوصلے بلند کرنے کے مقصد سے اپنی جارحیت کا نشانہ بناتی رہتی ہے۔

شام کی حکومت نے بارہا اعلان کیا ہے کہ اسرائیل اور اس کے علاقائی اور مغربی اتحادی شام کی حکومت کے خلاف لڑنے والے دہشتگرد گروہوں کی حمایت کرتے ہیں۔

مزید پڑھیں: حلب کی آزادی، شام کے عوام نے سڑکوں پر نکل کر جشن منایا

یاد رہے کہ کچھ دنوں قبل شام کے عوام نے حلب شہر کی مکمل آزادی اور اس کے اطراف کے علاقوں سے دہشتگردوں کے خاتمے کے اعلان کے ساتھ ہی سڑکوں پر نکل کر شامی پرچم لہرایا اور خوشی کا اظہار کیا۔

سوارا بھاسکر پر الزام لگانے والوں کا کہنا ہے کہ انہوں نے یکم فروری 2020 کے روز ایک تقریب سے خطاب کرتے ہوئے بھارتی پولیس، بھارتی سپریم کورٹ اور مودی سرکار کو آڑے ہاتھوں لیتے ہوئے، مسلمانوں کو ’’مزاحمت‘‘ کا نام لے کر فساد کرنے پر اُکسایا تھا جس کی وجہ سے مسلمانوں نے ہنگامے شروع کیے اور ہندوؤں کی املاک بھی جلائیں، جس کے بعد ہندوؤں نے جوابی کارروائی کے طور پر دہلی کی مسلمان آبادیوں پر حملے کیے۔

Swara Bhaskar openly saying not to believe in Supreme Court. Asking everyone to take charge and go up to any extent. She is the reason Delhi is burning. #ArrestSwaraBhasker pic.twitter.com/cBQC1okClD

— Karn (@01Karn) February 26, 2020 

دہلی میں حالیہ مسلم کش فسادات کے اصل ذمہ داران کو گرفتار کرنے کے بجائے بالی ووڈ اداکارہ سوارا بھاسکر کی گرفتاری کا مطالبہ زور پکڑنے لگا ہے، جس کےلیے لانچ کیا گیا ہیش ٹیگ #ArrestSwaraBhaskar بھارت میں سوشل میڈیا پر ٹرینڈ بن گیا۔

سوارا بھاسکر پر الزام لگانے والوں کا کہنا ہے کہ انہوں نے یکم فروری 2020 کے روز ایک تقریب سے خطاب کرتے ہوئے بھارتی پولیس، بھارتی سپریم کورٹ اور مودی سرکار کو آڑے ہاتھوں لیتے ہوئے، مسلمانوں کو ’’مزاحمت‘‘ کا نام لے کر فساد کرنے پر اُکسایا تھا جس کی وجہ سے مسلمانوں نے ہنگامے شروع کیے اور ہندوؤں کی املاک بھی جلائیں، جس کے بعد ہندوؤں نے جوابی کارروائی کے طور پر دہلی کی مسلمان آبادیوں پر حملے کیے۔

دوسری جانب دہلی ہائی کورٹ میں بھی سوارا بھاسکر سمیت کئی دوسرے سیاسی و سماجی رہنماؤں اور دانشوروں کے خلاف ایف آئی آر درج کرنے کےلیے ایک مقدمہ دائر کیا گیا ہے جس میں درخواست گزار نے یہ مؤقف اختیار کیا ہے کہ آر ایس ایس، عام آدمی پارٹی اور ’’جعلی لبرل دانشوروں‘‘ نے باقاعدہ سازش کے تحت اُس موقع پر دہلی میں فسادات کو ہوا دی جب امریکی صدر ڈونلڈ ٹرمپ بھارت کے دورے پر تھے۔ اس سے بھارت کی شہرت خراب ہوئی اور بھارت کے بارے میں منفی تاثر دنیا کے سامنے گیا۔

اس مقدمے میں ایف آئی آر کےلیے نامزد کردہ افراد میں عام آدمی پارٹی کے وزیر امانت اللہ خان کے علاوہ سوارا بھاسکر، بی جے پی وزراء کپل مشرا، انوراگ ٹھاکر اور پرویش شرما کے علاوہ دوسرے کئی رہنماؤں کے نام بھی شامل ہیں۔

امریکی ریاست کیلی فورنیا میں کورونا وائرس کے مزید 33 کیسز کی تصدیق کردی گئی ہے ۔کیلی فورنیا کے گورنر کا کہنا ہے کہ 33 افراد کے ٹیسٹ مثبت آئے ہیں، ان میں 5 افراد ریاست سے جاچکے ہیں، جبکہ مختلف کمرشل پروازوں سے آنے والے 8400 افراد کی مانیٹرنگ جاری ہے۔واضح رہے کہ ریاست کیلی فورنیا میںکورونا وائرس کاپہلا مقامی کیس بدھ کو رپورٹ ہوا تھا، جس کے بعد بیماری کا وباء کی صورت اختیار کرنے کا خدشہ ہے۔

کورونا وائرس کے خوف کے سبب امریکی اسٹاک مارکیٹ 9 سال کی بدترین سطح پر گر گئی، ایس اینڈ پی فائیو ہنڈرڈ 4 اعشاریہ 4 فیصد گر گیا۔

چین میں جان لیوا کرونا وائرس سے اب تک 36 ہزار سے زائد افراد صحتیاب ہو کر گھروں کو جا چکے ہیں، صرف گزشتہ روز ساڑھے 3 ہزار افراد کو اسپتالوں سے ڈسچارج کیا گیا۔بین الاقوامی میڈیا کے مطابق چین میں جان لیوا کرونا وائرس میں کچھ بہتری کے آثار نظر آرہے ہیں، چین میں گزشتہ روز کرونا وائرس سے متاثر 3 ہزار 6 سو 22 افراد علاج کے بعد اسپتالوں سے فارغ کردیے گئے۔چینی حکام کا کہنا ہے کہ اب تک کرونا وائرس سے متاثر 36 ہزار 1 سو 17 افراد صحتیاب ہوچکے ہیں۔چین میں کرونا وائرس سے ہلاکتوں میں بھی کمی آنا شروع ہوگئی ہے، گزشتہ روز چین میں 44 مزید افراد وائرس سے ہلاک ہوئے اور یہ جنوری سے اب تک ہلاکتوں کی کم ترین شرح ہے۔علاوہ ازیں ایک روز میں مزید 327 افراد میں کرونا وائرس کی تصدیق ہوئی ہے جو اس سے گزشتہ روز 433 تھے، چین میں کرونا سے متاثر افراد کی مجموعی تعداد 78 ہزار 824 ہوگئی ہے۔عالمی ادارہ صحت کے سربراہ ٹیڈ روس کا کہنا ہے کہ یہ ڈرنے کا نہیں عالمی اقدامات کا وقت ہے۔انہوں نے کہا ہے کہ کرونا وائرس عالمی وبا بن سکتی ہے، ہم اس وقت نازک صورتحال سے دو چار ہیں، متاثرہ ممالک کی حکومتیں ہنگامی اقدامات کر رہی ہیں۔

دارالحکومت میں کرفیو کے باوجود انتہاپسندوں کے مسلمانوں اور ان کی املاک پر حملے جاری ہیں جس کے سبب خوف کے شکار مسلمان متاثرہ علاقے سے ہجرت کرنے پرمجبور ہیں۔

اقوام متحدہ کے سیکرٹری جنرل انتونیو گوئترس نے بھارت کی صورتحال تشویش اور تحفظات کا اظہار کیا ہے۔

امریکی ڈیموکریٹ رہنمابرنی سینڈرز نے بھی بھارت میں اقلیتوں کےخلاف پرتشدد کارروائیوں پراظہارتشویش کیا ہے۔ بھارت میں انسانی حقوق کی خلاف ورزی پرٹرمپ کاردعمل قیادت کی ناکامی ہے۔

امریکی سینیٹرمارک وارنر کا کہنا تھا کہ نئی دہلی میں حالیہ تشدد کے واقعات اطمینان بخش نہیں، بھارتی حکام اقتلیوں کےخلاف پرتشدد کارروائیاں رکوائے۔

بھارت کی انتہاپسند حکومت نے اقلیتوں کیلئے آواز اٹھانے کی پاداش میں دہلی ہائی کورٹ کے جج جسٹس ایس مورالی دھار کا تبادلہ ہریانہ کی عدالت میں کر دیا ہے۔ وفاقی حکومت نے یہ حکم نامہ رات 11 بجے جاری کیا۔

ہندو مسلم فسادات دہلی کے شمالی مشرقی علاقوں میں ہو رہے ہیں جہاں کم سےکم تین مساجد اور ان گنت دکانوں کو نذرآتش کردیا گیا ہے۔

جھڑپوں میں شریک دونوں دھڑے ایک دوسرے پر پتھراؤ کر رہے ہیں اور جب کہ پولیس ہندوانتہاپسندوں کے ساتھ مل کر مسلمانوں پر اندھا دھند فائرنگ کر رہی ہے اور آنسوگیس کا استعمال بھی کیا جا رہا ہے۔

دہلی کے مشرقی علاقوں جعفرآباد، موج پور، سلیم پور اور چاند باغ میں ہندوؤں نے مسلمانوں پر تشدد کیا جس سے جانی نقصان ہوا تاہم پولیس خاموش تماشائی کا کردار ادا کر رہی ہے۔ ہندو مسلم فسادات والے علاقوں میں تعلیمی ادارے بند کر دیئے گئے ہیں اور امتحانات معطل ہیں۔

دہلی کے نومنتخب وزیر اعلیٰ اروند کیجریوال کہا ہے کہ پولیس ہنگاموں پر قابو پانے میں مکمل ناکام ہوچکی ہے اور انہوں نے فوج کو شہر میں بلانے کا عندیہ بھی دیا ہے۔

کانگریس رہنما سونیا گاندھی نے بھارتی وزیرداخلہ امیت شاہ سےمستعفی ہونے کا مطالبہ کرتے ہوئے کہا ہے کہ وہ دہلی میں امن و امان برقرار رکھنے میں ناکام ہوگئے ہیں۔

سونیا گاندھی نے نئی دہلی میں ہلاکتوں کے ذمہ دار وزیراعظم مودی کو ٹھہرایا ہے اور فوج بلانے کا مطالبہ کیا ہے۔

بھارتی ریاست راجستھان میں باراتیوں کی بس دریا میں گرنے سے کم از کم 25 افراد ہلاک اور متعدد زخمی ہوگئے۔پولیس کے مطابق حادثہ ضلع بوندی میں پیش آیا، جہاں باراتیوں سے بھری بس پل سے گزرتی ہوئی ڈرائیور سے بے قابو ہوکر دریا میں جاگِری۔ حادثے کا شکار ہونے والی بس میں 28 مسافر سوار تھے۔پولیس کا کہنا ہے کہ 13 افراد موقع پر ہلاک ہوئے جبکہ دیگر 12 افراد اسپتال جاتے ہوئے راستے میں دم توڑگئے۔ہلاک ہونے والوں میں 11 مر، 10 خواتین اور 3 بچے شامل ہیں۔

چین کے شہر ووہان سے پھیلنے والے کورونا وائرس کو پہلے عام نمونیا قراردیا گیابعد میں اس کو 2002-03 میں سامنے آنے والے وائرس سارس کی قسم قرار دیا گیا جس کا نام کووڈ 2019 رکھا گیا۔

مریض کو ابتدا میں نزلہ کھانسی اور گلے کی سوزش کا سامنا ہوتا ہے، مرض بڑھ جائے تو بخار، سینے میں درد، سانس لینے میں تکلیف اور نمونیا کی علامات ظاہر ہوتی ہیں۔ دل کا تیزی سے دھڑکنا بھی وائرس کی علامتوں میں سے ایک ہے۔

وائرس پھیپڑے پر اثر انداز ہو کر آکسیجن کو خون میں ملانے کا عمل روک دیتا ہے۔ وائرس کا مریض شدید نمونیا، گردے فیل اور شدید بخار سے موت کا شکار ہوسکتا ہے۔

ناول کرونا وائرس خاموش وائرس ہے۔ یہ اپنی علامات ظاہر کیے بغیر متاثرہ شخص سے دوسرے میں منتقل ہوسکتا ہے۔ متاثرہ میں سے 98 فیصد لوگ صحت یاب ہوجاتے ہیں، جن افراد نے گزشتہ 14 دنوں میں چین کا سفر کیا ہے ان میں یہ علامات ظاہر ہوں قریبی اسپتال سے رابطہ کریں۔

صابن سے اچھی طرح ہاتھ دھوئیں، ہاتھ کم از کم 20  سیکنڈز سے ایک منٹ تک دھونے چاہئیں جس سے انفیکشن سے بچنے میں بہت مدد مل سکتی ہے اور اگر آپ کھانسی اور نزلے میں مبتلا ہیں تو ماسک کا استعمال کریں۔

عالمی ادارہ صحت کے مطابق اگر آپ تندرست ہیں تو طبی نوعیت کا این 95 ماسک کے بجائے سادہ ماسک بھی پہن سکتے ہے۔ ماسک کو صحیح طریقے سے پہننا ضروری ہے، ماسک اور چہرے کے درمیان کوئی جگہ کھلی نہ رہ جائے۔

کورونا وائرس انسانی جسم سے باہر بہت دیر تک سرگرم نہیں رہ سکتا لیکن ڈسپوزایبل ماسک کو دفنانا ہی ضروری ہے۔

چھینکنے، کھانسنے اور بہتی ناک صاف کرنے کے لیے ٹشو پیپر کا ایک بار استعمال کریں، استعمال شدہ ٹشو پیپر کو مناسب طور پر تلف کردیں۔ ٹشو پیپر نہ ہو تو چھینکنے اور کھانستے وقت منہ پر ہاتھ رکھنے سے گریز کریں، کہنی موڑ کر اس میں چھینکیں یا کھانسیں۔

نزلہ زکام ہے تو دوسرے سے دور رہیں، گلے ملنے ہاتھ ملانے سے گریز کریں۔ پالتو جانوروں سے دوری اختیار کریں، جانوروں کے گوشت اور انڈوں کو اچھی طرح پکا کر استعمال کریں۔

آنکھوں، ناک، منہ کو بار بار چھونے اور آمد و رفت والی جگہوں پر جانے سے گریز کریں اور لوگوں سے فاصلہ رکھیں۔

ترکی میں سعودی سفارت خانے نے حال ہی میں کرونا وائرس کے بڑھتے ہوئے خطرات کے پیش نظر سعودی شہریوں کو ترکی کے لیے غیر ضروری سفر سے گریز کا مشورہ دیا ہے۔

دوسری طرف ترکی نے کرونا سے متاثرہ ملکوں سے لوگوں کی آمد وفت کے حوالے سے خصوصی احتیاطی تدابیر اختیار کرنے کا فیصلہ کیا ہے۔

ترکی میں قائم سعودی سفارت خانے کی طرف سے جاری ایک بیان میں کہا گیا ہے کہ سعودی شہری کرونا وائرس کے خطرے کے پیش نظر ترکی کے سفر سے گریز کریں۔ اس کے ساتھ ترکی میں موجود سعودی باشندوں سے کہا گیا ہے کہ وہ پرھجوم مقامات پر جانے سے گریز کریں اور خود کو موذی مرض سے بچانے کے لیے تمام حفاظتی اقدامات کو یقینی بنائیں۔ کسی مشکل کی صورت میں سعودی شہریوں سے کہاگیا ہے کہ وہ سفارت خانے سے رجوع کریں تاکہ ان کی بر وقت مدد کی جاسکے۔

بیجنگ ( 92 نیوز) ہلاکت خیز کرونا وائرس  بے قابو ہو گیا ،  چین  میں مزید 29 افراد جان سے گئے، خبر ایجنسی کے مطابق، دنیا بھر میں مہلک وائرس سے ہلاکتوں کی تعداد 2801 تک جا پہنچی ہے۔

دنیا بھر میں  وائرس سے متاثرہ افراد کی تعداد 82 ہزار سے تجاوز کر گئی ہے ،  جارجیا مقدونیہ اور برازیل میں بھی خطرناک وائرس کے کیس سامنے آگئے ۔

ادھر ایران نے کرونا وائرس کے پھیلاؤ کو روکنے کیلئے اندرون ملک سفر پر پابندی عائد کر دی۔

چین کے کرونا وائرس کی  ہلاکتوں کی تعداد بھی بتدریج کم ہورہی ہے ، 24 گھنٹوں میں تیس سے زائد ہلاکتیں رپورٹ ہوئی ہیں  جو اب تک کی ریکارڈ کی جانے والی سب سے کم اموات ہیں۔

دوسری جانب کرونا کو شکست دینے والے افراد کی تعداد بھی روز بروز بڑھتی جارہی ہے ، اب تک بیاسی ہزار سے زائد مریض رپورٹ ہوئے جن میں سے تینتیس ہزار سے زائد صحت یاب بھی ہوچکے ہیں۔

امریکی صدر نے کرونا کا پھیلاؤ روکنے کیلئے مہم کا آغاز کردیا ہے جس کے انچارج نائب صدر مائیک پنس ہوں گے ، صدر ڈونلڈ ٹرمپ نے دعویٰ کیا ہے کہ امریکا میں کرونا وائرس کا خطرہ بہت کم ہے۔

چین کے بعد کرونا سے سب سے زیادہ متاثر جنوبی کوریا ہوا ہے جہاں اب تک تقریباً 16 سوکیسز رپورٹ ہوچکے ہیں، ایران میں بھی ڈیرھ سو کے قریب مریض سامنے آ چکے ہیں، جاپان میں مزید 22 افراد میں وائرس کی تشخیص ہوگئی ہے،اٹلی میں متاثرین کی تعداد ساڑھے چار سو بڑھ گئی ہے۔

پولیس کی جوابی فائرنگ سے حملہ آور بھی ہلاک ہو گیا، فائرنگ کے بعد علاقہ میں خوب و ہراس پھیل گیا۔

تفصیلات کے مطابق امریکا میں انتہاپسندی اور عدم برداشت کا رویہ عام ہو گیا، امریکی ریاست وسکونسن کے شہر ملواکی کی کمپنی میں سابق ملازم نے فائرنگ کر کے اپنے ساتھیوں کو موت کے گھاٹ اتار دیا۔

پولیس کی جوابی فائرنگ سے حملہ آور بھی ہلاک ہو گیا، پانچ ساتھیوں کو ہلاک کرنے والے اکیاون سالہ شخص کو گزشتہ دنوں کمپنی سے نکالا گیا تھا۔

ادھر  پولیس نے واقعے کی مزید تفتیش بھی کررہی ہے،واقعے کے بعد پولیس نے قریبی علاقوں کو گھیرے میں لے لیا اور اسکولز بھی بند کرا دیئے گئے۔

واضح رہے کہ امریکا میں فائرنگ کے بڑھتے واقعات کے سبب عوام میں شدید تشویش پائی جاتی ہے،، رواں برس امریکہ میں فائرنگ کے چالیس سے زائد واقعات رپورٹ ہوئے ہیں جن میں پچھہتر سے زائد ہلاکتیں ہوئیں۔

خلیجی ریاست بحرین میں کرونا وائرس کے متعدد کیسز سامنے آنے کے بعد یہ افواہیں سامنے آئی تھیں کہ بحرین اور سعودی عرب کو ملانے والے 'شاہ فہد' بریج کو ٹریفک کے لیے بند کیا جا رہا ہے مگر سعودی حکام نے ان افواہوں کی سختی سے تردید کی ہے۔

سعودی حکام نے بتایا کہ سعودی عرب اور بحرین کے درمیان زمینی رابطے کے لیے استعمال ہونے والے شاہ فہد رابطہ پُل کو بند نہیں کیا جا رہا۔

البتہ کل بدھ کے روز شاہ فہد پل پر دونوں طرف سے گاڑیوں کی آمدو رفت میں کمی دیکھی گئی اور اس کمی کو 'غیر معمولی' قرار دیا گیا ہے۔خیال رہے کہ شاہ فہد پُل سے جنوری 2020ء میں ریکارڈ ٹریفک گذری۔ اس پل کا قیام سنہ 1986ء میں عمل میں لایا گیا تھا جس کے بعد رواں سال جنوری میں یہاں سے دونوں ملکوں میں سب سے زیادہ گاڑیوں کی آمد ور فت ہوئی۔

نئی دہلی: ( 25 فروری 2020)امریکی صدر ڈونلڈ ٹرمپ نے ایک مرتبہ پھر پاکستان اور بھارت کے درمیان ثالثی کی پیشکش کر دی۔

نئی دہلی میں پریس کانفرنس کرتے ہوئے امریکی صدر نے بھارت کی سرزمین پر پاکستان کے حق میں ایک اور بیان دیتے ہوئے کہا کہ پاکستان اور بھارت کے درمیان مسئلہ کشمیر حل ہونا چاہیے۔

ان کا کہنا تھا کہ مسئلہ کشمیر پاکستان اور بھارت کے درمیان پرانا معاملہ ہے، پاکستان اوربھارت کےدرمیان مصالحت کیلئےتیارہوں، وزیراعظم عمران خان سے بہت اچھے تعلقات ہیں۔

امریکی صدر کا مزید کہنا تھا کہ بھارتی وزیراعظم نریندرا مودی سے پاکستان سےمتعلق بات چیت ہوئی، پاکستان دہشت گردی سے نمٹنے کیلئےبہت کچھ کررہاہے۔

شام کے ذرائع کا کہنا ہے کہ شام کی فوج نے ادلب کے جنوبی علاقے میں ترکی کے ڈرون کو سرنگوں کردیا ہے۔

شام کی خبررساں ایجنسی سانا کی رپورٹ کے مطابق شام کی فوج نے آج ادلب کے جنوبی علاقے دادیخ Dadikh  میں ترکی کی فوج کے ڈرون کو سرنگوں کردیا ہے۔

شام کی فوج کا کہناہے کہ ہر قسم کی فضائی حدود کی خلاف ورزی کا منہ توڑ جواب دیا جائیگا۔

مزید پڑھیں: حلب کی آزادی، شام کے عوام نے سڑکوں پر نکل کر جشن منایا

شام کے جنگی طیاروں نے آج  ادلب کے تفتناز ائیر پورٹ پر جہاں ترکی کے فوجی تعینات ہیں بمباری کی۔

شام کی فوج گزشتہ دو ماہ سے ادلب  کو دہشتگردوں سے  پاک و صاف کرنے کیلئے آپریشن کر رہی ہے اور اسے اس میں کافی کامیابیاں بھی ملی ہیں  تاہم ترکی نے جو اس آپریشن کا مخالف ہے دہشتگردی کے خلاف جدوجہد کے بہانے سے شام کے ایک حصے پر قبضہ کیا ہے۔