اسلام آباد: وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ پاکستان میں مزید دو افراد میں کورونا وائرس کی تصدیق ہوگئی ہے۔

معاون خصوصی برائے اطلاعات فردوس عاشق اعوان کے ہمراہ اسلام آباد میں پریس کانفرنس کرتے ہوئے انہوں نے کہا کہ کورونا وائرس کا ایک کیس سندھ اور ایک فاٹا میں سامنے آیا ہے۔

ڈاکٹر  ظفر مرزا نے مزید بتایا کہ کورونا وائرس کے پہلے والے دو مریضوں میں سے ایک تیزی سے صحت یاب ہو رہا ہے۔ کسی مریض کا نام میڈیا پر لانا اخلاق کے دائرے میں نہیں آتا ہے۔

انہوں نے کہا کہ ایران سے متصل تافتان بارڈر پر ہمسایہ ملک سے واپس آنے والے زائرین کا داخلہ شروع ہوگیا ہے، تاہم ایران کے ساتھ فضائی رابطے معطل ہیں۔۔

ڈاکٹر ظفر مرزا نے کہا کہ کورونا وائرس کے مریضوں کی تعداد بڑھنے کی صورت میں کچھ اسپتال مریضوں کے لیے مختص کیے جائیں گے۔

مزید پڑھیں: 

انہوں نے کہا کہ منہ پر پہننے والے ماسک کے لیے ایک ایڈوائزری جاری کرنے کا فیصلہ کیا ہے، جس میں فیس ماسک ہر کسی کو استعمال کرنے کی ضرورت نہیں ہے۔

واضع رہے کہ اس سے قبل محکمہ صحت کے حکام نے پاکستان میں دو افراد میں کورونا وائرس کی تصدیق کردی تھی۔

چند روز قبل کراچی میں کورونا کا کیس سامنے آگیا تھا۔ محکمہ صحت سندھ نے کراچی کے رہائشی 22 سالہ یحییٰ جعفری میں کورونا وائرس کی تصدیق کردی ہے۔

محکمہ صحت سندھ کی ترجمان میران یوسف نے ہم نیوز سے گفتگو کرتے ہوئےکراچی کے رہائشی 22 سالہ یحییٰ جعفری میں کورونا وائرس پائے جانے کی تصدیق کردی تھی۔

مزید پڑھیں: 

انہوں نے کہا تھا کہ کہ مشتبہ شخص، جو کہ ایران سے 20 فروری کو بذریعہ جہاز ایران سے کراچی آیا تھا، کو فیملی کے دیگر ممبران کے ہمراہ کراچی کے آغاخان اسپتال منتقل کردیا گیا ہے۔ مشتبہ شخص اور دیگر خاندان کے افراد کو آغاخان اسپتال کے آئیسولیشن وارڈ میں رکھا گیا ہے۔

میران یوسف نے کہا تھا کہ صوبائی حکومت اور کراچی کے مختلف اسپتالوں میں کورونا وائرس کے علاج کی سہولیات اور ادویات موجود ہیں۔

پاکستان میں کورونا وائرس کا یہ دوسرا کیس ہے جس کی حکومتی سطع پر تصدیق کی گئی ہے۔

ذرائع نے ہم نیوز کو بتایا کہ  یحییٰ جعفری بغیر اسکریننگ کے کراچی ائیر پورٹ سے باہر آیا تھا۔ مشتبہ شخص اور اس کے دیگر اہل خانہ کے افراد کے ٹیسٹ کیے جارہے ہیں۔

فوٹو: اے ایف پی

اسلام آباد ہائیکورٹ نے جعلی اکاؤنٹس کیس کے ملزم عبدالغنی مجید کی 5مقدمات میں درخواست ضمانت پر تحریری فیصلہ جاری کردیا۔ پانچوں مقدمات ميں طبی بنيادوں پر ملزم کی ضمانت منظور کرلی گئی۔ پاسپورٹ ضبط اور نام ای سی ايل ميں برقرار رہے گا۔

ہفتے کو اسلام آباد ہائیکورٹ کے تحریری فیصلے میں کہا گیا ہے کہ عبدالغنی مجید سے متعلق پمز اسپتال کا میڈیکل بورڈ اپنی رپورٹ عدالت میں جمع کراچکا ہے۔ ملزم 15 اگست 2018 سے جیل میں ہے۔ بیماری کے باعث ملزم کی زندگی کو خطرہ ہے۔ میڈیکل بورڈ کے مطابق عبدالغنی مجید کا علاج فوری شروع ہونا ضروری ہے لہذا 10 کروڑ روپے کے ضمانتی مچلکے جمع کرانے پر عبدالغنی مجید کو رہا کردیا جائے۔ طبی بنیادوں پر عبدالغنی مجید کی درخواست ضمانت منظور کی جاتی ہے۔

 فیصلے میں نیب کے تفتیشی افسر کو ملزم کا پاسپورٹ ضبط رکھنے کا حکم دیا گیا ہے جبکہ ملزم کا نام ای سی ایل میں بھی برقرار رکھنے کی ہدایت کی گئی ہے۔ فیصلہ جسٹس میاں گل حسن اورنگزیب نے تحریرکیا۔ عبدالغنی مجید کی ایک اور کیس میں درخواست ضمانت پر فیصلہ ہونا ابھی باقی ہے۔

کراچی: شہری مہلک مرض کورونا وائرس سے بچاؤ کیلئے حفاظتی اقدامات کے تحت ماسک پہنے ہوئے ہیں۔ فوٹو: آن لائن

محکمہ صحت سندھ نے کراچی میں کورونا وائرس کے نئے کیس کی تصدیق کردی، حکام کا کہنا ہے کہ مریض ایران سے واپس آیا تھا تاہم اس کا تعلق پہلے کیس سے نہیں ہے۔

محکمہ صحت سندھ کا کہنا ہے کہ کراچی میں کورونا وائرس کا ایک اور کیس رپورٹ ہوا ہے، مریض کو مشتبہ علامات ظاہر ہونے پر اسپتال لایا گیا، جس کے بعد شام 5 بجے انتظامیہ نے کورونا وائرس سے متاثر ہونے کے تصدیق کردی۔

مزید جانیے : حکام کا کہنا ہے کہ متاثرہ مریض حال ہی میں ایران سے واپس آیا تھا جہاں وائرس اس میں منتقل ہوا، کورونا وائرس کے مریض کو آئسولیشن وارڈ میں منتقل کرکے ٹریٹمنٹ شروع کردیا گیا۔

محکمہ صحت کے مطابق متاثرہ مریض کا جن لوگوں سے رابطہ تھا ان تمام افراد کو بھی قرنطینہ میں منتقل کرکے ان کی نگرانی کی جارہی ہے۔

 حکام کا مزید کہنا ہے کہ 26 فروری کو کراچی میں منظر عام پر آنے والے کورونا وائرس کے پہلے مریض سے نئے کیس کا کوئی تعلق نہیں ہے۔

پاکستان میں کورونا وائرس کے 2 کیسز کی تصدیق بدھ 26 فروری کو معاون خصوصی صحت ڈاکٹر ظفر مرزا نے کی تھی، جس میں ایک مریض کا تعلق کراچی اور دوسرے کا تعلق فیڈرل ایریاز سے تھا۔

پاکستان میں جاری کورونا وائرس کے باعث سرجیکل ماسک کے بحران پرکراچی رینجرز نے کارروائی کرتے ہوئے بڑی تعداد میں فیس ماسک برآمد کئے ہیں۔

کرونا وائرس سے بچاؤ کے لیے ماسک کے ذخیزہ اندوزوں کے خلاف رینجرز کی کارروائی کے دوران سرجیکل ماسک سمیت دیگر اشیاء برٓمد ہوئی ہیں۔

تفصیلات کے مطابق کارروائی کے دوران شاہرا ہ قائدین پی ای سی ایچ بلاک 2  کار شو روم سے ایک ملزم محمد عثمان اور واٹر پمپ چورنگی سے عماد نامی دکاندار کو گرفتار کیا گیا ہے۔

کراچی کےمیڈیکل اسٹورزمیں ماسک کی قلتملزم محمد عثمان کی نشاندہی پر رینجرز نے گلشن اقبال سے 74,000 سرجیکل ماسک اور 200 عدد ڈرپ کی بوتلیں برآمد کی ہیں جبکہ ملزم عماد سے ماسک کے 1650 پیکٹ برآمد کی گئی ہیں۔

ملزم محمد عثمان OLX پر مہنگے داموں ماسک فروخت کر رہا تھا۔

یاد رہے کہ اس سے قبل حال میں دنیا بھر میں چلی کورونا وائرس کی لہر چلی جس کی گرفت میں پاکستان بھی آگیا اور احتیاط کے طور پر عوام میں جراثیم سے بچاؤ ماسک پہنے اور پرہیز کرنے کے احکامات جاری کئے گئے لیکن منافع خوروں نے یہاں پر بھی اپنی سرمایہ کاری کا کام عرج پر رکھا۔

منافع خوروں نے پورے پاکستان سے ڈسٹ ماسک جسے این-95 بھی کہا جاتا ہے مارکیٹ سے غائب کردیئے گئے ہیں۔

چند دکانوں اور فارمیسی پر دستیاب یہ ڈسٹ ماسک جس کی مالیت محض 40 سے 45 روپے کی ہے اب 350 سے 400 میں دستیاب ہیں۔

اس طرح ہر ایک ماسک پر تقریباً 1000 فیصد کا منافع کمایا جارہا ہے۔

اس سے قبل وفاقی وزیر برائے صحت ڈاکٹر ظفر مرزا نے کہا ہے کہ کورونا وائرس کی  روک تھام اور تدارک کے لئے ہماری تیاری مکمل ہے۔

ڈاکٹر ظفر مرزا نے کوئٹہ میں پریس کانفرنس کرتے ہوئے کہا ہے کہ پاکستان میں آج 2افرادمیں کوروناوائرس کی تصدیق ہوئی ہے لیکن طب کی اخلاقیات میں مریض کی معلومات شیئرنہیں کی جاتیں۔

واضح رہے کہ پاکستان میں  کورونا وائرس سے متاثرہ دو مریضوں کی تصدیق ہوگئی ہے،  چند روز قبل ایران سے کراچی واپس آنے والے 22 سالہ نوجوان میں کورونا وائرس کی تصدیق ہوئی ہے۔

ترجمان محکمہ صحت نے تصدیق کی ہے کہ 22 سالہ متاثرہ شخص اور اہلخانہ کونجی اسپتال کے آئسولیشن وارڈ میں منتقل کردیا گیا ہے ۔

وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ وزیراعظم عمران خان کا عزم ہے کہ ” کرونا وائرس سے ڈرنا نہیں لڑنا ہے”۔

تفصیلات کے مطابق وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے اپنے ٹویٹ پیغام میں کہا ہے کہ اس ضمن میں تمام صوبائی حکومتوں سے اقدامات اور انتظامات کی رپورٹ طلب کر لی گئی ہے۔

ان کا کہنا تھا کہ عوام میں آگاہی اور شعور بیدار کرکے ان کے تحفظ کو یقینی بنائیں گے جبکہباقی امراض کی طرح اسے بھی شکست دیں گے۔

ذخیزہ اندوزوں کے خلاف رینجرز کی کارروائی، سرجیکل ماسک برآمدانہوں نے مزید کہا ہے کہ کوئٹہ، لاہور، اسلام آباد اور کراچی میں مرض کی تشخیص کی سہولیات فراہم کر دی گئی ہیں لیکن ذہن میں رکھنا چاہئیے کہ اس مرض کے 98 فیصدسے زائد صحت مند ہوجاتے ہیںاس لئے تشویش اور پریشانی کی کوئی بات نہیں ہے۔

ڈاکٹر فردوس کا کہنا تھا کہ بطور مسلمان یہ دعا بھی ہمیں پڑھنی چاہئے تاکہ اس مرض سے عافیت اور حفاظت میں رہیں جبکہ کرونا وائرس سے نبرد آزما ہونے کیلئے تمام ضروری اقدامات کو یقینی بنایا جا رہا ہے، یہ لاعلاج نہیں قابلِ علاج مرض ہے۔ اس سے خوفزدہ ہونے کی ضرورت نہیں ہے البتہ حفاظتی تدابیر اختیار کرناخصوصا صفائی کا اہتمام لازم ہے۔ مسلمانوں کیلئے تو “صفائی نصف ایمان ہے”۔

یاد رہے کہ محکمہ صحت سندھ کی جانب سے جمعہ کے روزکہا گیا  تھا کہ کو رونا وائرس سے متاثرہ نوجوان مریض کی حالت بہتر ہورہی ہے اور اس کو قرنطینی مدت پوری ہونے کے بعد اپنے گھر منتقل کردیا جائے گا۔

محکمہ صحت کے مطابق، گذشتہ آٹھ دن سے مریض پاکستان میں ہے۔ وزیراعظم کے معاون خصوصی برائے صحت ڈاکٹر ظفر مرزا نے کہا کہ متاثرہ 2  مریضوں کے لواحقین اور دوستوں کے ٹیسٹ منفی آئے۔

گزشتہ  روز ڈاکٹر مرزا نے کہا کہ آئندہ چند روز کے دوران، حکام صحت کی مکمل جانچ پڑتال کے بعد ، آہستہ آہستہ ایران سے واپس آنے والے پاکستانی ’زائرین‘ یا حجاج کو ملک میں داخل ہونے دیں گے۔

سائنس وٹیکنالوجی کے وزیر چوہدری فواد حسین نے کہا ہے کہ آج دوحہ میں امریکہ اور طالبان کے درمیان ہونے والے امن معاہدے سے افغانستان کیلئے ایک نئے دور کا آغاز ہوگا ۔آج ایک ٹویٹ میں انہوں نے کہاکہ اس معاہدے سے امریکہ کی بیرون ملک طویل جنگ کاخاتمہ ہوگا ۔وفاقی وزیر نے کہاکہ اس معاہدے کا کریڈٹ وزیراعظم عمران خان کو جاتا ہے جنہوں نے پاکستان تحریک انصاف کی حکومت کے خارجہ پالیسی کے بنیادی مقصد کے طورپر ہمیشہ افغانستان کیلئے امن کی آواز بلند کی ۔

لاہور:لاہور: کاشانہ لاہور کی سابق انچارج افشاں لطیف نے کہا ہے کہ داروالامان اسکینڈل کی اہم گواہ اقرا کائنات کے قتل پر خاموش رہنے کو کہا جارہا ہے۔

لاہور پریس کلب میں میڈیا سے گفتتگو کرتے ہوئے انہوں نے کہا کہ میں بچیوں کو وزراء اور سرکاری افسران کے آگے پیش نہیں کر سکتی۔ اقرا کائنات کے قتل پر آواز اٹھا نے پر مجھے دھمکیاں دی گئیں۔

افشاں لطیف نے کہا کہ وزیراعلیٰ کی اہلیہ نے اپنی بیٹیوں کے ہمراہ کا شانہ لاہور دورہ کیا۔ دس لاکھ روپے دے کر آج مجھ  پرکروڑوں روپے فنڈز خوردبرد کرنے کا الزام لگا یا جارہا ہے۔

مزید پڑھیں: 

انہوں نے کہا کہ  اقرا کائنات کے قتل کی ایف آئی آر درج کیوں نہیں کی گئی؟ کاشانہ میں موجود بچیاں کہاں ہیں؟

افشاں لطیف نے کہا کہ 20 جنوری کو سی سی پی او کے دفتر تحفظ کے لیے درخواست دی۔ کاشانہ میں میرا سامان موجود ہے، کائنات کے قتل پر خاموش کروایا جا رہا ہے۔

انہوں نے کہا کہ مجھے ٹرانفسر کا لالچ دیا جارہا ہے تاکہ خاموش کیوں رہوں۔ حکومت اس کیس میں وزرا کو گرفتار کیوں نہیں کر رہی ہے؟ پولیس اور وزراء اس کیس میں ملوث ہیں۔

مزید پڑھیں: 

اس سے قبل کاشانہ  لاہور کی سابق انچارج افشاں کا نیا ویڈیو بیان سامنے آ گیا تھا۔

ویڈیوں میں افشاں لطیف نے دعویٰ کیا ہے کہ کاشانہ کیس کی اہم گواہ ماریہ کو غائب کر دیا گیا ہے۔ اقرا کائنات کو قتل کردیا گیا، اب ماریہ کو نقصان پہنچایا جائے گا۔

سابق انچارج نے کہا ہے کہ ماریہ نے انکوائری میں بیانات دیے تھے۔ میں نے کاشانہ میں 57 لڑکیاں چھوڑی تھیں۔ وہ سب لڑکیاں کہاں ہیں؟ ان کو تحظ دیا جائے۔

آرمی فورسز انسٹیٹیوٹ آف کارڈیالوجی اور قومی انسٹی ٹیوٹ برائے امراض دل کے زیراہتمام سترویں سالانہ بین الااقوامی کارڈیک الیکٹرو فزیوالوجی کانفرنس کا آغاز ہوگیا ہے افتتاحی تقریب میں صدر پاکستان ڈاکٹر عارف علوی شریک ہوئے اور پاکستانی اور عالمی ماہرین سے خطاب کیا

امریکہ ، برطانیہ ، مصر ، قطر ، لبنان ، ترکی اور آذربائیجان کے عالمی شہرت یافتہ کارڈیک الیکٹرو فزیالوجسٹ نے پاکستان کے ماہرین کے ہمراہ کانفرنس میں شرکت ہیں، کانفرنس کا مقصد شعبہ تحقیق کا فروغ ہے جس سے مستقبل میں کئی اہم شعبوں میں ترقی ممکن ہوسکے گی،

تقریب میں لیفٹیننٹ جنرل محمد عامر ، ایڈجنٹ جنرل پاکستان آرمی اور لیفٹیننٹ جنرل خاور رحمان ، سرجن جنرل پاکستان آرمی سمیت دیگر کئی اہم شخصیات بھی شریک ہیں۔اس موقع پر خطاب کرتے ہوئے صدر پاکستان ڈاکٹر عارف علوی نے اے ایف آئی سی میں مریضوں کی دیکھ بھال کے معیار، ڈاکٹروں اور پیرا میڈیکل اسٹاف کی لگن کو سراہا

انہوں نے قابل علاج بیماریوں کے علاج کے لئے ٹھوس کوششوں کی ضرورت پر زور دیا، صدر نے ادارے میں تحقیق اور ترقی اور نیشنل کارڈی ویسکولر ریسرچ انسٹی ٹیوٹ کے لئے اپنے مکمل تعاون کی یقین دہانی کرائی۔

 کرونا وائرس کے خطرے پیش نظر سعودی عرب نے بیرون ملک سے عمرہ زائرین کا داخلہ عارضی روک دیا، مدینہ منورہ جانے پر بھی پابندی عائد کر دی۔

سعودی وزارت خارجہ کی طرف سے جاری بیان میں کہا گیا کہ  سیاحتی ویزے پر ان ممالک سے آنے والے افراد کا مملکت میں داخلہ معطل کیا گیا ہے جہاں سعودی صحت حکام کے طے کردہ معیار کے مطابق نئے کورونا وائرس کے پھیلاو خطرہ ہے ۔

 مملکت میں کورونا وائرس کے خطرے کو روکنے کے لیے رہنما اصولوں کے تحت جی سی سی ممالک کے شہریوں کی قومی شناختی کارڈ کے ذریعے مملکت آمد و رفت کو بھی معطل کیا جا رہا ہے ۔

 ماہر متعدی امراض ڈاکٹر اسما نسیم کا کہنا ہےکہ کورونا وائرس سے بچاؤ کے لیے این 95 ماسک کی ضروت نہیں اور عام ماسک کے استعمال سے بھی وائرس سے بھی بچا جاسکتا ہے۔ ماہر متعدی امراض ڈاکٹر اسما نسیم نے کہا کہ وائرس کی موجودگی پریشانی کا باعث ہے اور دنیا اس سے پریشان ہے۔انہوں نے کہا کہ  وائرس سے بچنے کا حل احتیاط ہے، وائرس سے بچنے لیے ضروری ہے کہ اپنے ہاتھ بار بار دھوئیں۔ڈاکٹر اسما نسیم کا کہنا تھاکہ  جو لوگ صحت مند ہیں ان کے لیے ضروری نہیں کہ وہ ماسک پہنیں جب کہ کورونا وائرس کے لیے این 95 ماسک کی بالکل ضرورت نہیں، عام ماسک کے استعمال سے بھی وائرس سے بھی بچا جا سکتا ہے۔

اسلام آباد (این این آئی) حکومت کی کم طرفی‘ مریم نواز کو روک رہی ہے۔ مریم اورنگزیب نے قوم سے قائد نوازشریف کی جلد صحت یابی کی دعا کی درخواست کی ہے۔ گزشتہ روز نوازشریف کے وکیل نے چودھری شوگر مل کیس میں احتساب عدالت میں نوازشریف کی تازہ ترین میڈیکل رپورٹس جمع کروائی تھی جس کے بعد عدالت نے نوازشریف کی حاضری سے استثنیٰ کی درخواست منظور کر لی تھی۔ پاکستان مسلم لیگ (ن) کی ترجمان مریم اورنگزیب نے کہا ہے کہ محمد نوازشریف کی دل کی تکلیف کے تناظر میں والدہ ماجدہ نے لندن جانے کا فیصلہ کیا۔ پاکستان مسلم لیگ (ن) کی ترجمان مریم اورنگزیب نے محمد نوازشریف کی صحت سے متعلق اہم بیان میں کہا کہ قائد محمد نوازشریف کی والدہ ماجدہ لندن جا رہی ہیں۔ آپی جی کی لندن روانگی محمد نوازشریف کو دل کی تکلیف کے تناظر میں ہو رہی ہے۔