سردیوں میں سورج غروب ہوتے ہی فضا میں ٹن ٹن کی مخصوص آواز ُگنگناتی ہے اور اس کے ساتھ ہی مٹی میں بھوُنی جانے والی مونگ پھلی کی مہک ہمیں اپنی جانب کھینچنے لگتی ہے۔ سچ ہے کہ سردی کے موسم میں گرما گرم مونگ پھلی کھانے کا اپنا ہی مزہ ہے ۔ اسے دیکھ کر کھائے بنا رہا نہیں جاتا اور کیوں نہ کھائیں‘ یہ صحت کے لئے انتہائی مفید بھی تو ہے۔

اگرچہ بالوں سے گرنے کا عارضہ زیادہ تر مردوں میں عام ہے لیکن خواتین بھی اس سے مستشنیٰ نہیں کیونکہ تیزرفتار زندگی میں مردوں کے ساتھ ساتھ خواتین بھی تیزی سے اپنے بال کھورہی ہیں۔ خواتین میں زچگی کے بعد بعد بال گرسکتےہیں ۔ اس کے علاوہ تھائرائیڈ، کھوپڑی کا انفیکشن، بڑھاپے اور ایلوپیشیا جیسے مرض بھی تیزی سے بال جھڑنے کی اہم وجوہ میں شامل ہیں۔

ماہرین نے کے مطابق بالوں کے غیرمعمولی نقصان کی کئی وجوہ ہوسکتی ہیں۔ ان میں وٹامن کی کمی سے لے کر جسمانی امراض و کیفیات اور ڈپریشن بھی شامل ہیں۔ تاہم ہر روز کچھ نہ کچھ بال ضرور گرتے ہیں جو ایک معمول کا حصہ ہے۔ لیکن یہ بھی حقیقت ہے کہ جو کچھ ہم کھاتے ہیں بالوں پر اس کے حیرت انگیز اثرات مرتب ہوتے ہیں۔
میڈٰیٹرینیئن غذاہفتے میں تین دن کچی سبزیوں، تازہ پھلوں اور سلاد وغیرہ کھانے سے ایلوپیشیا اور مردانہ گنج پن میں کمی ہوسکتی ہے۔ ان میں دالیں بھی استعمال کیجئے جو بہت اہم ہیں۔ اس طرح کی غذا کو میڈیٹرینیئن غذا کا نام دیا گیا ہے۔پروٹین ہمارے بال ایک طرح کے پروٹین (کیراٹِن) سے بنے ہوتے ہیں جس کی کمی سے بال کمزور ہوکر ٹوٹنا شروع ہوجاتےہیں۔ لہٰذا ضروری ہے کہ غذاؤں میں دودھ یا اس سے بنی اشیا، مچھلی ، مٹر، پھلیاں، گری دار خشک میووں ، انڈوں اور مرغی کا استعمال کیا جائے۔وٹامن اے وٹامن اے بالوں کے لیے بہت ضروری ہے۔


یہ جسم میں سیبیوم کی افزائش بڑھاتا ہے جو کھوپڑی کی جلد کو بہتر حالت میں رکھتے ہوئے بالوں کی افزائش کرتا ہے۔ اس کے لیے گاجروں، شکرقندی اور پالک وغیرہ کا استعمال ضروری ہے۔دیگر وٹامن وٹامن اے کے علاوہ وٹامن ڈی، بی، سی ڈی، زِنک اور سیلینیئم بالوں کے لیے بہت ضروری ہیں۔ 2018 میں ہوئی ایک تحقیق سے معلوم ہوا ہے کہ اگروٹامن ڈی کی روزانہ 800 سے 1000 انٹرنیشنل یونٹ مقدار کھائی جائے تو ایلوپیشیا جیسے مرض کو بڑی حد تک دور کیا جاسکتا ہے۔بایوٹنوٹامن بی سیون یا وٹامن ایچ کی کمی س بال تیزی سے گرنے شروع ہوجاتے ہیں۔


اپنے ڈاکٹر سے پوچھ کر روزانہ اس کی تین سے پانچ ملی گرام مقدار کھائی جاسکتی ہے۔سو پالمیٹو امریکہ میں صنوبر کے بستہ قد درختوں پر ایک قسم کا پھل پایا جاتا ہے جسے سو پالمیٹو کہا جاتا ہے۔ اسے لوگوں کو کھلایا گیا تو 60 فیصد افراد نے اپنے بالوں کی افزائش میں بہتری محسوس کی کیونکہ یہ جسم میں ٹیسٹوسٹیرون ہارمون بڑھاتا ہے۔بالوں کی دیکھ بھالاگر آپ کے بال جھڑ رہے ہیں تو بالوں کی افزائش بہت ضروری ہے۔ ضروری ہے کہ انتہائی خوشبودار شیمپوؤں سے اجتناب کیا جائے۔ناریل کا تیل کھوپرے کا تیل بالوں کی افزائش کا صدیوں پرانا نسخہ ہے۔


پرانے زمانے میں اسے بالوں کی غذا قرار دیا جاتا رہا ہے۔ دھوپ اور الٹراوائلٹ (بالائے بنفشی) شعاعوں کے بالوں پر نقصانات کو دور کرنےمیں یہ تیل بہت اکسیر ہے۔ اس کی سادہ وجہ تیل میں پایا جانے والا لورِک ایسڈ ہے جو پروٹین کو بالوں سے باندھے رکھتا ہے اور خون کا دوران بڑھاتا ہے۔بالوں کی اسٹائلنگ بالوں کو سیدھا کرنے ، رنگنے اور پروسیسنگ میں جہاں تک ہو کیمیائی اجزا سے اجتناب کیجئے۔ بالوں کو زیادہ گرمی دینا بھی مضر ہوسکتا ہے۔ اسی لیے دیسی نسخوں پرہی اعتبار کیجئے ۔

بڑھتے وزن اور موٹاپے کو جانچنے کے لیے انسان کے باڈی ماس انڈکس BMI کا حساب لگایا جاتا ہے۔ عموماً 18.5 سے 25 تک کا بی ایم آئی نارمل سمجھا جاتا ہے۔ اگر آپ کا بی ایم آئی انڈکس 30 سے زیادہ ہو تو آپ کا وزن نارمل حد سے زیادہ اور آپ کو موٹا سمجھا جاتا ہے۔

زیادہ وزن کا مسئلہ زیادہ تر خراب طرز زندگی سے جُڑا ہے، مثلاً زیادہ چکنائی والے پروسس شدہ کھانے کھانا، زیادہ مقدار میں کھانا، کثرت سے شراب نوشی، ورزش نہ کرنا، نیند کی کمی اور نیند کا پورا نہ ہونا اور اس سے جڑی کئی غیر صحت مند عادات وزن میں اضافے کا سبب بنتی ہیں۔ جنییاتی عوامل اور ہارمونز کے مسائل بھی بعض اوقات موٹاپے اور وزن میں اضافے کی صورت میں منتج ہوتے ہیں۔
بڑھتا وزن صرف موٹاپے کی صورت میں ہی مسائل نہیں پیدا کرتا بلکہ اس کے نتیجے میں ذیابیطس، بلند فشار خون اور دل کی بیماریوں سمیت کئی اور عارضے بھی لاحق ہو سکتے ہیں۔
اس مسئلہ سے چھٹکارے کے لیے آپ اپنے طرز زندگی میں تبدیلی لانے کے ساتھ قدرتی غیر جراحی طریقے بھی استعمال کر سکتے ہیں جن سے وزن میں کمی ممکن ہے۔ یہاں ہم آپ سے چند ایسے زود اثر اور غیر ضرر رساں طریقے بتا رہے ہیں جنہیں استعمال کر کے وزن میں کمی اور موٹاپے کو گھٹایا جا سکتا ہے۔

لیموں کا رس
لیموں کا رس موٹاپے اور بڑھے ہوئے وزن کا مقابلہ کرنے کے لیے سب سے بہترین دواؤں میں سے ایک ہے۔ یہ نظام انہضام کو بہتر کرنے کے ساتھ جسم سے فاسد مادوں کو خارج کرتا ہے۔ وزن گھٹانے کے لیے ہاضمہ کا بہتر ہونا اور درست طریقے سے کام کرنا ضروری ہے اور لیموں کا رس اس کام میں انتہائی بہترین معاون ثابت ہوتا ہے۔ لیموں کے رس میں ایسے اجزا شامل ہیں جو چربی کو پگھلانے کے عمل میں مدد گار ہوتے ہیں اور یہ جسم سے ان فاسد مادوں کو خارج کرتا ہے جو میٹابولزم کو سست کرتے ہیں۔
· لیموں کا رس 3 چائے کے چمچ ، ایک چائے کا چمچ شہد اور آدھا چائے کا چمچ کالی مرچ پسی ہوئی ایک گلاس پانی میں ملا لیں۔ اگر کالی
مرچ تازہ پسی ہے تو اس کا ایک چوتھائی چمچ بھی کافی ہے۔
· اسے صبح نہار منہ خالی پیٹ پئیں۔
· یہ عمل روزانہ تقریباً تین ماہ تک دہرائیں
اگر یہ طریقہ کار راس نہ آئے تو آپ ایک کپ نیم گرم پانی میں لیموں کار س ایک چمچ شامل کر کے بھی پی سکتے ہیں۔

ایپل سائیڈر سرکہ [ ایپل سائیڈر ونیگر ACV]
خام، چھانے بغیر بنا ہوا ایپل سائیڈر ونیگر وزن گھٹانے کا ایک اور مشہور اور آزمودہ طریقہ ہے۔ گو کہ وزن گھٹانے سے متعلق اس کا طریقہ کار ابھی تک پوری طرح معلوم نہیں ہے، لیکن یہ جسم میں موجود چربی کو گھلا کر مو ٹاپے کو کم کرنے کا باعث بنتا ہے۔ اس کا اصل کام چربی کے خلیات کو توڑنا اور انہیں جسم میں بننے اور جمع ہونے سے روکنا ہے۔ اس کے علاوہ ACV یورک ایسڈ کی سطح کو گھٹانے میں بھی معاون ثابت ہوتا ہے جو اس کی اثر پذیری کو بڑھانے میں مزید مدد گار ہے۔
· دو چمچ خام، بغیر چھانے ACV کو ایک گلاس پانی میں ملا لیں اور ناشتے اور کھانے سے پہلے خالی پیٹ پی لیں۔
· آپ ACV اور لیموں کے رس کا ایک چمچ ایک گلاس پانی میں ملا کر بھی پی سکتے ہیں۔
آپ دن میں ACV کے دو چمچ پی سکتے ہیں، اس سے زیادہ پی گئی مقدار آپ کے خون سے پوٹا شیم کی سطح کو کم کر سکتی ہے جس سے آپ کے جسم میں نمکیات اور ہڈیوں کی کثافت میں کمی ہو سکتی ہے۔ علاوہ ازیں ذیابیطس اور گردوں کے مریض ACV پینے سے گریز کریں کیونکہ یہ خون میں شوگر کی سطح کو کم کرتا ہے اور گردوں کے فعل کو بڑھاتا ہے۔

ایلو ویرا [ کوار گندل یا گھیکوار]
ایلو ویرا میٹابولزم کے عمل کو تیز کر کے، جسم میں توانائی کے استعمال کو بڑھا کر اور جسم میں موجود غیر استعمال شدہ چربی کو تحریک دے کر وزن گھٹانے کے عمل میں انتہائی معاون ثابت ہوتی ہے۔ اس میں ایسی قدرتی پروٹین موجود ہوتی ہیں جو جسم میں پروٹین جذب کرنے کے فعل کو زیادہ مشکل بناتی ہیں۔ علاوہ ازیں یہ نظام انہضام اور آنتوں میں سے فاسد مادوں کو بھی خارج کرتی ہے۔
· ایلو ویرا کے دو تازہ پتے لیں ، انہیں چھیل لیں اور گودا نکال لیں
· انہیں ایک کپ مالٹے یا چکوترے کے جوس کے ہمراہ بلینڈر میں ڈال لیں اور تین سے چار منٹ تک بلینڈ کر لیں
· اس جوس کو روزانہ ایک ماہ تک پئیں

سبز چائے
سبز چائے ایک اور مقبول اور مؤثر طریقہ ہے جس سے وزن میں کمی کی جا سکتی ہے۔ ایک تحقیق کے مطابق سبز چائے میں پایا جانے والا ایک مرکب جسم میں چربی کے انجذاب کو کم کرتے اور اس کے استعمال کے عمل کو تیز کرتے ہوئے وزن میں اضافے کے عمل کو سست کر دیتا ہے ۔علاوہ ازیں اس میں وٹامن سی، کارٹینوئیڈز، زنک، سلینیم ، کرومیم اور کئی دوسرے منرلز بھی موجود ہیں۔
روزانہ دو سے تین کپ سبز چائے کا استعمال وزن گھٹانے کے عمل میں معاون ثابت ہوا ہے۔ آپ اسے ادرک کی چائے کے ساتھ ملا کر بھی استعمال کر سکتے ہیں۔