سائنسدانوں کا مکھیوں اور کیڑے مکوڑوں سے مکھن تیار کرنے کا تجربہ

دودھ سے بنا ہوا مکھن قدیم دور سے ہی انسان کی پسندیدہ غذا رہا ہے اس کے استعمال سے ہم کئی بیماریوں سے محفوظ رہ سکتے ہیں۔ مکھن ہمیں پالتو جانورں سے حاصل ہوتا ہے لیکن اب بیلجیئم کے تحقیقی ماہرین نے مکھیوں اور حشرات کی چربی سے مکھن بنانے کا کامیاب تجربہ کیا ہے۔غیر ملکی جریدے میں شائع ہونے والی رپورٹ کے مطابق ماہرین نے جو مکھن تیار کیا اُس میں گائے کے دودھ کی بجائے مکھیوں اور دیگر حشرات کی چربی استعمال کی گئی ہے، تیار کیا جانے والا مکھن دوسرے سے مشترک تو نہیں البتہ مستقبل میں اسے متبادل کے طور پر استعمال کیا جاسکتا ہے۔