کورونا وائرس کے ممکنہ پھیلاﺅ کو روکنے کےلئے عمرہ اور مسجد نبوی میں اجتماعات پر عارضی پابندی عائد کی گئی ہے، ترجمان سعودی وزارت خارجہ

ریاض۔ 5 مارچ (اے پی پی)سعودی وزارت خارجہ نے کہا ہے کہ کورونا وائرس کے ممکنہ پھیلاﺅ کو روکنے کے لئے عمرہ اور مسجد نبوی میں اجتماعات پر عارضی پابندی عائد کی گئی ہے جبکہ حرمین الشریفین میں پانچ وقت کی نمازوں کی ادائیگی باقاعدگی سے جاری ہے۔ ترجمان سعودی وزارت خارجہ کے مطابق کرونا وائرس کے باعث عمرہ کی ادائیگی کا عمل عارضی طور پر معطل کر دیا گیا ہے۔ عمرہ کی ادائیگی کا عمل عارضی طور پر معطل کرنے کا مقصد کرونا وائرس کے ممکنہ پھیلاﺅ کو روکنا ہے۔ ترجمان نے بتایا کہ حرم کے ساتھ ساتھ مسجد نبوی میں زائرین کے اجتماع پر عارضی پابندی عائد کی گئی ہے تاہم حرمین الشریفین میں پانچ وقت کی نمازوں کی ادائیگی باقاعدگی سے جاری ہے۔