شنگھائی: (13 فروری 2020) چین میں جان لیوا کروناوائرس سے مزید دو سو چون افراد زندگی سے محروم ہو گئے۔ مہلک وائرس اب تک تیرہ سو اڑسٹھ افراد کو نگل چکا ہے۔ متاثرین کی تعداد ساٹھ ہزار تک جا پہنچی۔
چینی صوبے ہوبے میں خطرناک وائرس سے ایک ہی دن میں متاثر ہونے والے پندرہ ہزار ایک سو باون نئے کیسز سامنے آگئے۔ مہلک وائرس پرقابو پانے کے ناکافی اقدامات پرکمیونسٹ پارٹی کے صوبائی سربراہ کو برطرف کردیا گیا۔ کمیونسٹ پارٹی کے سربراہ جیانگ کی جگہ اب شنگھائی کے میئر ینگ یونگ خدمات انجام دیں گے۔
دوسری جانب جاپان کی بندرگاہ پر لنگر انداز بحری جہاز ڈائمنڈ پرنسز میں مزید چوالیس افراد جان لیوا وائرس کا شکار ہوگئے۔ تین ہزار سات سو مسافروں کے جہاز میں متاثرین کی تعداد دوسو اٹھارہ ہوگئی۔
کوئی تبصرے نہیں:
ایک تبصرہ شائع کریں
Please do Not enter your any spam link in the comment box.