انڈونیشیا کا داعش کے لیے کام کرنے والے اپنے 700 شہریوں کو واپس لینے سے انکار

 انڈونیشیا نے شام یا دیگر ملکوں میں داعش کے لیے کام کرنے والے اپنے 700 کے قریب شہریوں کو واپس لینے سے انکار کردیا۔ یہ بات انڈونیشیا کے سلامتی امور کے وزیر محفوظ ایم ڈی نے کہی ہے۔ ان کا کہنا تھا کہ حکومت کو اپنے 267 ملین شہریوں کی سلامتی زیادہ عزیز ہے اور اسی لیے جنگجووں کو ملک سے دور رکھا جائے گا، تاہم انہوں نے کہا کہ حکومت داعش میں شامل ہونے والے شہریوں کے بارے میں مزید تفصیلی اعداد وشمار حاصل کرے گی اور ممکن ہے کہ حکومت10 برس یا اس سے کم عمر بچوں کو واپس آنے دے۔