اسٹار کرکٹرشاہد آفریدی کےہاں پانچویں بیٹی کی پیدائش

کراچی : پاکستان کرکٹ ٹیم کے سابق کپتان شاہد آفریدی کےہاں بیٹی کی ولادت ہوئی ہے۔اس خوشخبری کواسٹار کرکٹر نے اپنےمداحوں کےساتھ شئیر کیا ۔ سماجی رابطے کی ویب سائٹ ٹوئٹرپرسابق کپتان اور آل راؤنڈر شاہد آفریدی نے اپنی دیگرچار بیٹیوں کے ہمراہ ننھی پری کی تصویر شیئر کی ۔ تصویر میں  شاہد آفریدی اپنی نومولود  بیٹی کو اٹھائے بے حد خوش دکھائی دے رہے ہیں جبکہ ان کی  چاروں بیٹیاں بھی  بے حد خوشگوار موڈ میں ہیں ۔ تصویر کے ساتھ شاہد آفریدی نے پیغام میں لکھا کہ ” مجھ پراللہ کی بے پناہ رحمتیں اوربرکتیں ہیں ، میری پہلے ہی چار بہت خوبصورت بیٹیاں ہیں اوراب اللہ نے مجھے پانچویں  بیٹی سے نوازا ہے، میں اپنے تمام خیر خواہوں کے ساتھ یہ خبر شیئر کر رہا ہوں“۔