مائیکل جیکسن کے بھتیجے جعفر جیکسن کا پاکستان میں میوزک وڈیو بنانے کی خواہش کا اظہار

امریکی آنجہانی گلوکار مائیکل جیکسن کے بھتیجے جعفر جیکسن نے پاکستان میں میوزک وڈیو بنانے کی خواہش کا اظہار کر دیا۔ جعفر جیکسن ان دنوں پاکستان میں موجود ہیں اور اپنے دورہ کے دوران انہوںنے کراچی، لاہوراور اسلام آباد کی مشہور جگہوں کا دورہ کیا اور وہاں بنائی گئی تصاویر سوشل میڈیا پر شیئر کرتے ہوئے انہوں نے کہا کہ پاکستان ایک بہت خوبصورت ملک ہے اور یہاں کا کھانا بھی بہت عمدہ ہے، انہوں نے کہا کہ وہ چاہتے ہیں کہ وہ اپنی ایک میوزک وڈیو کی پاکستان میںعکس بندی کریں، انہوں نے کہا وہ دوبارہ پاکستان آئیں گے اور جو جگہیں وہ اس دورے کے دوران نہیں دیکھ پائے آئندہ وزٹ میں وہ یہ دیکھیں گے۔