کورونا وائرس نے برطانیہ میں پنجے گاڑنا شروع کردیئے، کاروباری سرگرمیوں کو شدید خطرہ

سچ ٹی وی کی رپورٹ کے مطابق برطانوی حکام نے خبر دار کیا ہے کہ وائرس کے حملوں میں تیزی کی صورت میں ہر پانچواں شخص بیماراپڑاسکتا ہے اور ہلاکتیں بھی متوقع ہیں۔

صورتحا ل بدترین ہوئی تو چھوٹے بڑے کاروبار سے منسلک چھ ملین افراد ایک ساتھ رخصت پر چلے جائیں گے جس کے باعث کاروبار کو شدید نقصان اٹھانا پڑ سکتا ہے۔ غیر ملکی میڈیا کے مطابق حکومت نے کمپنیوں سے کہا ہے کہ ملازمین کو گھروں پر رہ کر کام کرنے کی ہدایت کی جائے۔

ورکرز کو ہدایت کی گئی ہے کہ کام کے دوران چہرہ کو مکمل ڈھانپ کررکھیں، حالات و واقعات کے مطابق ہر شخص شدید دباؤ اور بیماری سے لڑنے کے لیے تیار رہے اور زمہ دارانہ رویہ اپنائے۔ حکام کی جانب سے اسکولوں کو تین ماہ کے لیے بند کرنے پر سنجیدگی سے غور کیا جا رہا ہے۔