ماسک افغانستان سمگل ہونے کا انکشاف

پاکستان میں کرونا وائرس پھیلنے کے خدشات کے بعد خیبر پختونخوا سے سرجیکل ماسک افغانستان سمگل کرنے کا انکشاف ہوا ہے۔

 سمگلنگ کے باعث صوبہ خیبر پختونخوا میں سرجیکل ماسک کے بحران سمیت قیمتیں بھی مزید بڑھ گئیں۔

ذرائع کے مطابق پاکستان میں کرونا وائرس کے خدشات کے باعث سرجیکل ماسک کی مانگ اور استعمال میں اضافہ ہوا ہے۔

میڈیکل سٹورز مالکان کے مطابق ہول سیل میں ماسک نہیں مل رہے جبکہ بلیک میں افغانستان اور ایران اسمگل کیا جاتا ہے۔

شہر کے میڈیکل سٹورز میں سرجیکل ماسک نہیں مل رہے اور جن کے پاس موجود ہیں تو وہ بھی شہریوں کی قوت خرید سے باہر ہیں۔