عمران خان نے پارٹی کے اندر خانہ جنگی اور محلاتی سازشوں کے خلاف لڑنے کا فیصلہ کر لیا ہے:ڈاکٹر شاہد مسعود

اسلام آباد:سینئر تجزیہ کار ڈاکٹر شاہد مسعود کا کہنا ہے کہ وزیراعظم عمران خان کی اپنی پارٹی کے اندر خانہ جنگی اور محلاتی سازشیں شروع ہو چکی ہیں،لیکن انہوں نے لڑنے کا فیصلہ کر لیا ہے ۔ جی این این کے خصوصی پروگرام " لائیو ود ڈاکٹر شاہد مسعود " میں گفتگو کرتے ہوئے سینئر تجزیہ کار ڈاکٹر شاہد مسعود کا کہنا تھا کہ  وزیراعظم عمران خان کی اپنی پارٹی کے اندر خانہ جنگی اور محلاتی سازشیں شروع ہو چکی ہیں،لیکن انہوں نے لڑنے کا فیصلہ کر لیا ہے ۔عمران خان کے دشمن تو اپوزیشن پارٹیوں والے ہیں جن کو انہوں نے اٹھا کر اندر ڈال دیا ہے ،مگر عمران خان نے محلاتی سازشوں کے خلاف طبل جنگ بجا دیا ہے کہ اب کسی بھی صورت مزید سمجھوتہ نہیں  کروں گا۔